കൊച്ചി: പ്രണയം നടിച്ച് ഗർഭിണിയാണെന്നു ഭീഷണിപ്പെടുത്തി പണം തട്ടിയെടുത്തെന്ന യുവാവിന്റെ പരാതിയിൽ യുവാവ് അറസ്റ്റിൽ. കാക്കനാട് സ്വദേശിയുടെ പരാതിയിൽ പ്രിൻസി എന്ന യുവതിയെയാണ് എളമക്കര പോലീസ് അറസ്റ്റ് ചെയ്തത്. നാലു ലക്ഷം രൂപ തട്ടിയെടുത്തു എന്നാണ് യുവാവിന്റെ പരാതി.
കാക്കനാട് സ്വദേശിയായ 28കാരനെയാണ് യുവതി തട്ടിപ്പിനിരയാക്കിയത്. പ്രണയത്തിലായതിനുശേഷം താൻ ഗർഭിണിയാണെന്ന് ഭീഷണിപ്പെടുത്തി ജനുവരി ഒമ്പതിന് യുവാവിൻറെ അച്ഛൻ ഒപ്പിട്ട ചെക്ക് ഉപയോഗിച്ച് നാലു ലക്ഷം രൂപ പിൻവലിച്ചു. നുവരി 28ന് പരാതിക്കാരനെ ഫോണിൽ വിളിച്ച് പത്തു ലക്ഷം രൂപ കൂടി തന്നില്ലെങ്കിൽ വിവാഹ വാഗ്ദാനം നൽകി പീഡിപ്പിച്ചുവെന്ന് കേസ് കൊടുക്കുമെന്ന് ഭീഷണിപ്പെടുത്തുകയായിരുന്നു.
ഇതോടെയാണ് യുവാവ് പോലീസിൽ പരാതി നൽകിയത്. യുവതിക്കെതിരേ സമാനരീതിയിലുള്ള തട്ടിപ്പു കേസുകൾ പല സ്റ്റേഷനുകളിലും ഉണ്ടെന്നു പോലീസ് പറഞ്ഞു.
